சௌவியதாசன்
கிழக்கு மாகாண பண்பாட்டலுவல்கள் திணைக்களமும் , கல்முனை வடக்கு பிரதேச செயலகமும் இணைந்து நடத்தும் “ஐப்பசி மாத பௌர்ணமி கலைவிழா” நாளை 2026.10.25 (ஞாயிற்றுக்கிழமை) சேனைக்குடியிருப்பு கணேச மகா வித்தியாலயத்தில் மாலை 5.30 மணிக்கு கல்முனை வடக்கு பிரதேச செயலாளர் திரு. தி.ஜே. அதிசயராஜ் அவர்களின் தலைமையில் நடைபெறவுள்ளது.
நிகழ்ச்சி நிரல்:
விழாவின் தொடக்கமாக மங்கள விளக்கேற்றல், இறைவணக்கம் மற்றும் கல்முனை சேனைக்குடியிருப்பு கணேச மகா வித்தியாலய மாணவர்களின் தமிழ்த்தாய் வாழ்த்துடன் நிகழ்ச்சிகள் ஆரம்பமாகவுள்ளன. தொடர்ந்து வரவேற்பு நடனம், பிரதேச செயலாளரின் வரவேற்பு உரை மற்றும் தலைமை உரை என்பன இடம்பெறும்.
விழாவின் கலை நிகழ்வுகளாக:
காவடி நடனம்: ஸ்ரீ நர்த்தனாலயா கலை மன்றம் (பாண்டிருப்பு)
கிராமிய நடனம்: லாஷ்யா ருத்ராலயா நடனப்பள்ளி (சேனைக்குடியிருப்பு)
குழு நடனம்: மகேஸ்வர மாதங்கி நாட்டியாலயம் (சேனைக்குடியிருப்பு)
பல்வேறு பாடல்கள் மற்றும் கலை நிகழ்ச்சிகள் இடம்பெறவுள்ளன.
நிகழ்வின் இறுதியாக கல்முனை வடக்கு கலாசார உத்தியோகத்தரின் நன்றியுரையுடன் விழா நிறைவுபெறும். இந்நிகழ்ச்சித் தொகுப்பினை திரு. R. நிஜந்தன் மற்றும் திரு. V. கார்த்திக் ஆகியோர் மேற்கொள்ளவுள்ளனர்.
இக்கலைவிழாவில் பொதுமக்கள் அனைவரையும் கலந்துகொள்ளுமாறு அமைப்பாளர்கள் அன்புடன் அழைக்கின்றனர்.
