(சௌவியதாசன் – ஜே.கே.யதுர்ஷன்)
இந்து சமய கலாசார அலுவல்கள் திணைக்களத்தின் ஏற்பாட்டில், அறநெறிப் பாடசாலை மாணவர்களின் கல்வி மற்றும் நற்பண்பு வளர்ச்சியை ஊக்குவிக்கும் முகமாகத் தள பாடங்கள் (கற்றல் உபகரணங்கள்) வழங்கி வைக்கும் நிகழ்வு நேற்று(21) இடம்பெற்றது.
இந்து சமய கலாசார அலுவல்கள் திணைக்களத்தின் பணிப்பாளர் திரு. ய. அநிருத்தனன் அவர்களின் வழிகாட்டலுக்கு அமைவாக, ஆலையடிவேம்பு பிரதேச செயலாளர் திரு. இ. திரவியராஜ் அவர்களின் தலைமையில் இந்நிகழ்வு சிறப்பாக நடைபெற்றது.
இதன்போது, ஆலையடிவேம்பு பிரதேசத்தில் இயங்கி வரும் இராமகிருஷ்ணா அறநெறிப் பாடசாலை மற்றும் கண்ணகி அறநெறிப் பாடசாலை ஆகியவற்றுக்கு இந்து சமய கலாசார அலுவல்கள் திணைக்களத்தினால் குறித்த தள பாடங்கள் உத்தியோகபூர்வமாக வழங்கி வைக்கப்பட்டன.
இந்நிகழ்வில் மாவட்ட இந்து கலாசார உத்தியோகத்தர் திரு. கு. ஜெயராஜி, பிரதேச இந்து கலாசார உத்தியோகத்தர் திருமதி சர்மிளா பிரசாந், ஆலய தர்மகர்த்தாக்கள், அறநெறிப் பாடசாலைகளின் ஆசிரியர்கள் மற்றும் பொதுமக்கள் எனப் பலரும் கலந்து சிறப்பித்தனர்.
