வெருகலம் பதியிலிருந்து.
சௌவியதாசன்
வெருகலம்பதி. அருள்மிகு ஸ்ரீ சித்தி வேலாயுத சுவாமி தேவஸ்தான ஆலயத்தின் வருடாந்த மகோற்சவத் திருவிழா தற்போது மிக விமர்சையாகவும் பக்திப் பெருக்குடனும் நடைபெற்று வருகின்றது.
கடந்த செப்டம்பர் 12-ஆம் தேதி (12-09-2026) கொடியேற்றத்துடன் தொடங்கிய இத்திருவிழா, தொடர்ந்து 18 நாட்கள் நடைபெறவுள்ளது. பக்தர்களின் அரோகரா கோஷங்களுக்கும், பஞ்சவாத்தியங்களுக்கும் மத்தியில் சிறப்பு வழிபாடுகளுடன் திருவிழா நிகழ்வுகள் தொடர்ந்து இடம்பெற்று வருகின்றன.
12-ஆம் நாள் திருவிழா மற்றும் கலை கலாச்சார நிகழ்வுகள்
நேற்று நடைபெற்ற 12-ஆம் நாள் திருவிழா, மல்லிகை தீவு கிராம மக்களின் உபயத்துடனும், முழுமையான பங்களிப்புடனும் மிகச் சிறப்பாக நடைபெற்றது.
சுவாமிக்குச் சிறப்பு அபிஷேக ஆராதனைகள் செய்யப்பெற்று, சிறப்பு அலங்காரத்தில் எழுந்தருளி அருள்பாலித்தார்.
தொடர்ந்து, மல்லிகை தீவு கிராமமக்களின் அனுசரணையுடன் பக்திப் பரவசமூட்டும் கலை கலாச்சார நிகழ்வுகளும், பாரம்பரிய கலை நிகழ்ச்சிகளும் இடம்பெற்றன. இதில் திரளான அடியார்கள் கலந்துகொண்டு எம்பெருமான் வேலாயுத சுவாமியின் அருளைப் பெற்றுச் சென்றனர்
.
எதிர்வரும் நிகழ்வுகள் தீர்த்தோற்சவம் தொடர்ந்து வரும் நாட்களில் பல்வேறு உபயகாரர்களின் அனுசரணையுடன் திருவிழா நிகழ்வுகள், சப்பரம் மற்றும் தேரோட்டம் உள்ளிட்ட உற்சவங்கள் நடைபெறவுள்ளன. இத்திருவிழா பெருவிழாவின் தீர்த்தோற்சவம் வரும் செப்டம்பர் 30-ஆம் தேதி (30-09-2026) அன்று தீர்த்தக் கேணியில்/ சிறப்பாக நடைபெற்று, அன்றைய தினத்துடன் விழா நிறைவுபெறவுள்ளது.
