சௌவியதாசன்.
கல்முனை, பாண்டிருப்பு ஸ்ரீ திரௌபதை அம்மன் ஆலய வருடாந்த திருவிழாவை முன்னிட்டு, ஆலயத்தைச் சூழவுள்ள பகுதியில் அமைந்துள்ள அனுமதிப்பத்திரம் பெற்ற அனைத்து மதுபான சாலைகளையும் மூன்று நாட்களுக்கு மூடுவதற்கு அனுமதி வழங்கப்பட்டு உத்தரவிடப்பட்டுள்ளது.
இதன்படி, 2026 செப்டம்பர் 23 ஆம் திகதி முதல் 2026 செப்டம்பர் 25 ஆம் திகதி வரை (வனவாசம், தவநிலை மற்றும் தீப்பாய்தல் ஆகிய முக்கிய நிகழ்வுகள் நடைபெறும் நாட்கள்) கல்முனை வடக்கு பிரதேச செயலகப் பிரிவுக்குட்பட்ட மதுபான சாலைகள் அனைத்தும் மூடப்பட்டிருக்கும்.
கல்முனை வடக்கு பிரதேச செயலாளரினால் விடுக்கப்பட்ட வேண்டுகோளுக்கு அமைவாக, பொதுமக்கள் மற்றும் பக்தர்களின் நலனைக் கருத்திற் கொண்டு இலங்கை மதுவரித் திணைக்களத்தின் மதுவரி ஆணையாளர் நாயகம் எம். பி. என். ஏ. பேமரத்ன அவர்களினால் இவ்வுத்தரவு பிறப்பிக்கப்பட்டுள்ளது.
