புஸ்பராசா எனும் ஆளுமைக்காக சங்குடன் அணி திரண்டுள்ளோம்: அவர் வெல்ல வேண்டியது காலத்தின் தேவை!- அக்கரைப்பற்றில் ஆயிரக்காணக்கான மக்கள் பங்கேற்பு
சங்கு சின்னத்தில் இலக்கம் 10 இல் போட்டியிடும் முன்னாள் மாகாணசப உறுப்பினர் சோ.புஸ்பராசா அவர்களை ஆதரித்து அக்கரைப்பற்று தர்மசங்கரி மைதானத்தில் நேற்று தேர்தல் கூட்டம் இடம் பெற்றது.
பொது அமைப்புக்களின் பிரதிநிதிகள், மதகுருக்கள், இளைஞர்கள், புத்திஜீவிகள் ,பொதுமக்கள் என ஆயிரக்கணக்கானோர் பங்குபற்றியிருந்தனர்.
இதில் கலந்து கொண்ட சிலர் கருத்து தெரிவிக்கையில்,
அம்பாறை மாவட்டத்திற்கு தேவையான ஒரு ஆளுமை வேட்பாளர் புஸ்பராசா, அவருக்காகவே சங்கின் பின் அணி திரண்டுள்ளோம். பதவிகள் இல்லாதபோதும் எமது பிரதேசத்தில் இடம் பெற்ற காணி ஆக்கிரமிப்புக்களை தனது ஆளுமையால் தடுத்து நிறுத்தியவர். அவர் எமக்கு செய்த உதவியால் பல நூறு குடும்பங்களின் வாழ்வாதாரம் வளம் பெற்றது.
பால் உற்பத்தியில் எமது பிரதேசம் முன்னிலையில் உள்ளது. கால்நடைக்கான மேச்சல் தரையை பாதுகாத்ததில் முன்னின்று செயற்பட்டவர். புஸ்பராசா அவர்கள் வெல்ல வேண்டியது காலத்தின் கட்டாயம் என்றனர்.
