நேற்று திருக்கோவிலில் சூரன் போர் 

நேற்று திருக்கோவிலில் சூரன் போர் 

(வி.ரி.சகாதேவராஜா)

வரலாற்று பிரசித்தி பெற்ற திருக்கோவில்  சித்திர வேலாயுத சுவாமி ஆலயத்தில் கந்த சஷ்டி விரத இறுதி நாளான நேற்று  (7)  வியாழக்கிழமை மழைக்கு மத்தியில் சூரன் போர் இடம்பெற்றது .

ஆயிரக்கணக்கான  விரதாதிகள் சகிதம் 

ஆலய பிரதம குரு சிவஸ்ரீ சண்முக மகேஸ்வர குருக்கள் மற்றும்  ஆலயகுரு சிவசிறி அங்குசநாதக்குருக்கள் முன்னிலையில் சூரன் போர் ஆலய வெளிப் பிரகாரத்தில் சிறப்பாக நடைபெற்றது.

ஆலயத்தலைவர் சுந்தரலிங்கம் சுரேஷ் ஆலய வண்ணக்கர் வ.ஜயந்தன் கணக்குப் பிள்ளை இ.லோகிதராஜா பொருளாளர் கோ.கிருஸ்ணமூர்த்தி சமய ஆர்வலர் க.பார்த்தீபன்( பிரான்ஸ்) பிரதேச செயலாளர் அதிசயராஜ் உள்ளிட்ட பலரும்  சமூகமளித்திருந்தனர்.

கடந்த 02ஆம் திகதி ஆரம்பமாகிய இக் கந்தசஷ்டி விரதம் ஆறாம் நாளாகிய 07 ஆம் தேதி சூர சம்ஹாரத்துடன் நிறைவு பெற்றறது.

வழமைக்கு மாறாக ஏராளமான பக்தர்கள் விரதத்தினை இம்முறை அனுஷ்டித்திருந்தனர்.

நேற்று 8 ஆம் தேதி வெள்ளிக்கிழமை திருக்கல்யாணம் நிகழ்வுடன் விரத உற்சவம் நிறைவுபெற்றது .