கிழக்கு மாகாணத்தில் முதலிடம் பெற்ற கார்மேல் பற்றிமா மாணவி கனகராசா கேசராஹர்சினி : மற்றும் சித்தி பெற்ற மாணவர்களும் பாராட்டி கௌரவிப்பு
2024 ஆம் ஆண்டு நடைபெற்ற தரம் -05 புலமைப் பரிசில் பரீட்சையில் சித்தி பெற்ற மாணவர்களை பாராட்டி கௌரவிக்கும் நிகழ்வு நேற்று (2025.12.29 )அன்று வெகுசிறப்பாக இடம்பெற்றது.
குறித்த நிகழ்வின் போது 180 புள்ளிகளைப் பெற்று கிழக்கு மாகாணத்தில் முதலாமிடத்தைப் பெற்றுக்கொண்ட மாணவி கனகராசா கேசராஹர்சினி அவர்களையும், வெட்டுப்புள்ளிக்கு மேல் புள்ளிகளைப் பெற்று சித்தி பெற்ற 64 மாணவர்களையும், மற்றும் 70 புள்ளிகளுக்கு மேல் புள்ளிகளைப் பெற்று சித்தி பெற்ற மாணவர்களையும் காலை ஒன்றுகூடலின் போது பாராட்டிக் கௌரவிக்கும் நிகழ்வு வெகு சிறப்பாக இடம்பெற்றது.
அதனைத்தொடர்ந்து 180 புள்ளிகளைப் பெற்று கிழக்கு மாகாணத்தில் முதலாமிடத்தைப் பெற்றுக்கொண்ட பாண்டிருப்பை சேர்ந்த கனகராசா- வித்யாசங்கரி தம்பதிகளின் சிரேஸ்ட புத்திரியான மாணவிக்கு வலயக்கல்விப் பணிப்பாளர் மற்றும் ஏனைய வலயக்கல்வி அதிகாரிகளினால் வாழ்த்துகள் தெரிவிக்கப்பட்டதோடு பாடசாலையின் அதிபர் அருட்.சகோ.S.E.றெஜினோல்ட் FSC அவர்களையும், பகுதித் தலைவர் மற்றும் கற்பித்த ஆசிரியர்கள் அனைவரையும் வாழ்த்திக் கௌரவித்தனர்.
எமது பாடசாலையானது சென்ற ஆண்டு பெற்றுக்கொள்ளப்பட்ட சித்தி வீதத்திலும் பார்க்க இவ்ஆண்டு 1.9 சதவீதத்தினால் கூடுதலான சித்தி வீதத்தினைப் பெற்றுள்ளதோடு மாகாணத்திலும் முதலாமிடத்தைப் பெற்றுக்கொண்டது மிகச் சிறப்பான அம்சமாகும்.
