தேவை அறிந்து தேடி உதவிகள் செய்யும் கனடா உதவும் பொற்கரங்கள் அமைப்பு
தேவைகளை தேடி அறிந்து உதவிகள் பலவற்றை உதவும் பொற்கரங்கள் அமைப்பு அதன் ஸ்தாபகர் விசு கணபதிப்பிள்ளை அவர்களின வழிநடத்தலில் செய்து வருகிறது.
கடந்த 2025.01.13 அன்று விசு கணபதிப்பிள்ளை அவர்களினதும் கனடாவை சேர்ந்த திருமதி ஷகிலா ஏறிக் அவர்களினதும்,வட அமெரிக்காவைச் சேர்ந்த திருமதி லலினா எட்வர்ட்ஸ் அவர்களினதும் இணை நிதி அனுசரனையுடனும் கனடா உதவும் பொற் கரங்கள் அமைப்பின் இலங்கை பொத்துவில் தொகுதி இணைப்பாளரும் அம்பாறை மாவட்ட அக்ஷன் சிறீ லங்கா நிறுவகருமான திரு லியோ செபஸ்ரியனின் ஏற்பாட்டின் கீழ் வசதிகளற்ற மாணவர்களுக்கான கற்றல் உபகரணங்கள் வழங்கி வைக்கப்பட்டன.
இந்த நிகழ்ச்சித் திட்டத்தில் திருக்கோவில் பிரதேசத்தின் காஞ்சிரங்குடா கிராமப்பிரிவில் உள்ள தெலுங்கு மொழிவாரி ஆதிக்குடியிருக்கான குடியேற்றக் கிராமமான சிறீ வள்ளிபுரத்தில் தெரிவான 35 மாணவர்களுக்கும் பொத்துவில் பிரதேச இன்ஸ்பெக்டர் ஏற்றம் கிராமத்தில் தெரிவான 23 மாணவர்களுக்கும் உள்வாங்கப்பட்டு கற்றல் ; உபகரணங்கள் வழங்கி வைக்கப்பட்டன
